Posts by

shikhardeep

Home / Blog Archive
News

विपद् ब्यवस्थापन कोषमा शिखरदिप र शिव शिखर सहकारीको सहयोग

Relief Distribution

शिखरदिप बहुउद्देश्यीय सहकारी संस्था र शिवशिखर कृषि सहकारी संस्थाले भक्तपुर नगरपालिकाको विपद् ब्यवस्थापन कोषमा खाद्यान्न सहयोग गरेका छन् ।

संस्थाले भक्तपुर नगरपालिकाका मेयर सुनिल प्रजापतीलाई १५० प्याकेट उपकार चामल, १५० प्याकेट चनाको दाल तथा १५० प्याकेट नुनलगाएतको राहत  हस्तान्तरण गरेको जनाएको छ ।

विश्व कोरोना भाइरसको संक्रमणले थलिरहेको र नेपालमा समेत पूर्ण लकडाउनको अवस्था रहेको हुँदा दैनिक ज्याला मजदुरी गर्ने, कोठा भाडामा वस्ने अति विपन्न लगाएतका वर्गलाई राहत पुगोस् भन्ने उद्धेश्यले स्थापना भएको उक्त कोषमा सहयोग गरेको संस्थाले जनाएको छ ।

News

नौ सय विद्यार्थीलाई शिखरदीप सहकारीको सहयोग

Relief DIstribution to STudents

कौशलटारमा मुख्य कार्यालय रहेको शिखरदिप बहुउद्देश्यीय सहकारीले कीर्तिपुर नगरपालिका तथा नगरपालिकाको वडा नम्वर ७, ८ र ९ मा रहेका विद्यार्थीहरुलाई खाद्ययान्न सहयोग गरेको छ । संस्थाको कीर्तिपुर शाखा कार्यालय तथा नगरपालिका मार्फत विद्यार्थीहरूलाई राहत सामाग्री वितरण गरेको हो ।

अनेरास्ववियुको समन्वयमा कीर्तिपुर नगरपालिका वडा नं. ७, ८ र ९ मा बसेका विद्यार्थीहरुलाइ बैशाख ६ गते चामल ३०० बोरा (४५ क्वीन्टल), चना दाल ३०० प्याकेट (६०० किलो) र खाने तेल ३०० बोतल (३०० लिटर ) वितरण गरेको थियो ।

त्यसैगरी संस्थाले बैशाख ७ गते जिरा मसिनो चामल ६०० प्याकेट (३० क्वीन्टल), चना दाल  ६०० प्याकेट (६०० के.जी.) किर्तीपुर नगरपालिकाका मेयर रमेश महर्जन र उपमेयर सरस्वती खडकालाई संयुक्त रुपमा हस्तान्तरण गरेको संस्थाका मुख्य प्रवन्धक लिलानाथ गौतम ले जानकारी दिए ।

राहत वितरण कार्यक्रममा संस्थाका अध्यक्ष केदारनाथ शर्माले बिद्यार्थिहरु राष्ट्रका कर्णधार भएकाले उनिहरुलाई यस विषम परिस्थितिमा सहयोग गर्नु हाम्रो कर्तव्य भएको बताए ।  उनले भने ‘हामी संग नेपालको जनसंख्या लाई १ महिनालाई पुग्ने खाद्यान्न मौज्दात रहेकोले कसैले पनि भोकै मर्ने दिन आउन नदिने बताए ।’

कार्यक्रममा अनेरास्ववियु केन्द्रीय समितिका अध्यक्ष ऐनसिंह महर तथा नगर प्रमुख, उपप्रमुख र किर्तीपुर नगरपालिका ७ नम्वर वडा अध्यक्ष राजकुमार मालीले देश लकडाउन भई घरमै वस्नु परेको अवस्थामा टाढाबाट अध्ययन गर्न आई किर्तीपुर क्षेत्रमा बसोवास गर्ने बिद्यार्थी हरुलार्ई शिखरदिप बहुउद्देश्यीय सहकारी संस्थाले गरेको सहयोको प्रसंसा गरे ।

News

विद्यार्थीहरूलाई शिखरदीप बहुउद्देश्यीय सहकारीको राहत सहयोग

७७ साल बैशाख ६ गते शनिवार कीर्तिपुरमा शाखा कार्यालय रहेको शिखरदीप बहुउद्देश्यीय सहकारीले कीर्तिपुरमा रहेका विद्यार्थीहरूलाई राहत सामाग्री वितरण गरिएको छ ।

की.न.पा. वडा नं.७ स्थित साल्भानिया स्कुलको प्रांगणमा भेला भएका विद्यार्थीहरूलाई राहत वितरण गरिएको थियो । वडा नं.७ ले नाम टिपाएका अनेरास्ववियू नेता मंगल थापाको व्यवस्थापनमा अखिल केन्द्रिय नेता ऐन महरको पहलमा की.न.पा. वडा नं. ७ का अध्यक्ष राजकुमार माली, वडा नं.९ का वडाध्यक्ष गंगाराम महर्जन, नेकपा कीर्तिपुर नगर अध्यक्ष विकास महर्जन लगायतको उपस्थिति रहेका छन ।

शिखरदीपका केन्दीय अध्यक्ष केदारनाथ शर्माले आफ्नो मन्तव्य राख्नेक्रममा टाढा टाढाबाट कीर्तिपुरमा आएर अध्ययन गरिरहनु भएका विद्यार्थीहरु भोकै छन भन्ने सुनेर यस्तो संकटको बेला सहयोग गर्नु हामी सबैको कर्तव्य ठानेर ३०० (तीनसय जना)को लागि राहत सामाग्री लिएर आएको हो । यहाँ तीनसय भन्दा बढी रहेछ । अहिले जति वितरण भयो । कति जनालाई पुगेन लिस्ट अनुसार नपुग भोलि दिने बचन दिनुभयो । उक्त राहत पोकामा शिखरको ब्राण्ड उपकार चामल १५ के.जी., दाल २ केजी र सन फ्लावर तेल एक बोतल रहेको छ ।

नगरपालिकाले राहत दिंदा एक जनालाई एक हप्ताको ३ किलोको दरले दिएको थियो । यस हिसाबले अहिले शिखरदीपले १५ किलो दिंदा के विद्यार्थीहरूलाई ५ हप्ताको लागि पुग्ने भयो त होइन ? ५ हप्तासम्म यी विद्यार्थीहरूले अब अन्त कतै राहत लिन जाँदैन ? यसको के ग्यारेन्टी ?

परिचय पत्र हेरेर मात्र नाम लेखेर व्यवस्थित ढंगले राहत वितरण गर्नको लागि हिजो नै वडा नं.७ का सचिव ज्ञानेन्द्र महर्जनले लिस्ट बनाएर दिएकोमा अहिले राहत बाँड्दा जो अगाडि आयो उसलाई दियो । यस हिसाबले कसरी निस्पक्ष रुपमा राहत बाँड्न सकिन्छ ।

विद्यार्थी भनेको पढेलेखेका शिक्षित व्यक्तित्व भन्ने ठान्छन । र त्यहाँको स्थिति हेर्दा भद्रगोल छ । अहिलेको परिस्थितिमा सामाजिक दुरी कायम राख्न जति अनुरोध गरे पनि मानेन । ठेलम ठेल गरेर बसेको देखिन्छ ।

आयोजकहरु पनि त्यतिकै जिउ छुने गरी बसेका छन ।

जे होस शिखरदीप सहकारीले सामाजिक उतरदायित्व निर्वाह गरेको छ ।

News

कीर्तिपुर नगरपालिका वडा ९ लाई शिखरदिप सहकारीद्धारा खाद्ययान्न सहयोग

Relief DOntaion

कौशलटारमा मुख्य कार्यालय रहेको शिखरदिप बहुउद्देश्यीय सहकारी संस्थाले कीर्तिपुर नगरपालिका वडा नम्वर ९ को कार्यालयलाई खाद्ययान्न सहयोग गरेको छ ।

संस्थाले वडा कार्यालयको कोरोना भाइरस रोकथाम, नियन्त्रण तथा राहत सहायता कोषमा २५ किलोको ६० बोरा चामल तथा खाने तेल १५० लिटर र मासको दाल १ सय किलो सहयोग गरेको हो । संस्थाले कीर्तिपुर सेवाकेन्द्र मार्फत उक्त सहयोग नगरपालिकाको वडा ९ लाई राहत सामाग्री हस्तान्तरण गरेको संस्थाका मुख्य प्रवन्धक लिलानाथ गौतमले जानकारी दिए ।

विश्व कोरोना भाइरसको संक्रमणले थलिरहेको र नेपालमा समेत पूर्ण लकडाउनको अवस्था रहेको हुँदा दैनिक ज्याला मजदुरी गर्ने, कोठा भाडामा वस्ने लगाएतका विपन्न वर्गलाई राहत पुगोस् भन्ने उदेश्यले स्थापना भएको उक्त कोषमा राहत सहयोग गरेको मुख्य प्रवन्धक गौतमले बताए ।

News

नेपालकालागि एक महिना पुग्ने खाद्ययान्न हामीसंग छ

शिखरदिप बहुउद्देश्यीय सहकारी संस्थाका अध्यक्ष केदारनाथ शर्माले नेपालकालागि एक महिना धान्ने खाद्यान्न आफूहरुसंग भएको बताएका छन् ।उनले देशले भोगीरहेको कारोना भाइरसको विषम् परिस्थितिमा जनताको घरघरमा पुग्न सरकारसंग सहकार्य गर्न तयार रहेको पनि वताए । उनले अहिले चामल, दाल, मैदा, घिउ तेल, चिनी चियापत्ती, मह, जाम, अचार, जिरा, धनियाँ लगाएतका २५४ प्रकारका उपकार ब्राण्डमा उत्पादन भइरहेको बताएका छन् ।

उनले भने ‘सरकार छ महिनालाई पुग्ने खाद्यान्न छ भनिरहेको छ, हामीसंग एक महिना पुग्ने खाद्यान्न छ, हामी नेपाल सरकारसंग सहकार्य गर्न चाहन्छौं । अहिलेको अवस्थामा सदाको भन्दा पाँच प्रतिशत छुटमा हाम्रा उत्पादनहरु घरघरमा पुर्यादिएका पनि छौं । देश कारोना भाइरसको त्रासका कारण लकडाउन (बन्दाबन्दि) मा रहेको बेला हामीले होम डेलीभरी गरेर सदस्य तथा सर्वसाधारणकोमा खाद्यान्न पुर्याएका छौं ।

शिखरदिप बहुउद्देश्यीय सहकारीको काठमाडौं उपत्यकामा ७ वटा सेवा केन्द्र रहेको र सवै सेवाकेन्द्र तथा कम्पनीको विक्री केन्द्र मार्फत उत्पादनहरु देश भरी पाँच प्रतिशत छुटमा विक्री गरीरहेको उनले बताए । हामी गल्लीगल्लीमा हाम्रा उत्पादनहरु पुर्याएर सेवा दिइरहेको र मूलुकलाई परेको यो संकटको घडीमा नेपाली जनता तथा सरकारलाई दिलो ज्यान लगाएर सहयोग गर्न तयार रहेको अध्यक्ष शर्माले बताए । उनले भने देशभर तीनहजार जना कमचारी मार्फत सेवा दिइरहेको छौं ।

सदस्यहरुलाई निशंकोच संस्थाका उत्पादन उपभोग गर्न र संस्थासंग वित्तिय कारोवार गर्न पनि अनुरोध गरे, उनले भने संस्थागत रुपमा हामी बलियो छौं।हामी सहकारी मोडलको नमूना ब्यवसाय गरेर देखाउन चाहन्छौं, सरोकारवालाहरुले यसका बाधाहरु फुकाइ दिनुपर्छ।सहकारीलाई ब्यवसाय गर्न दिनुपर्छ सहकारी उत्पादनको आफ्नैट्रेडमार्कहुनुपर्छ ।

उनले अहिले सहकारी र निजीलाई समेटेर काम गरिहेको बताएका छन् । सहकारी मार्फत मात्र काम गर्न कानूनी अड्चन भएकोले बाध्य भएर कम्पनी मार्फत खाध्य सामाग्री उत्पादन गर्नु परेको र सहकारी मार्फत प्रवद्र्धन र वितरण भइरहेको छ । ‘देश ब्यापी रुपमा खाद्यान्न तथा कृषि सामाग्रीको बजारीकरण गरिरहेका छौं । सहकारी मार्फत ठूलो उद्योग संचालन गर्न विभिन्न कानुनी अड्चन छन् । सहकारी संस्थाहरु चाहेर पनि उत्पादनमा जान सकेका छैनन् ।

राज्यले सहकारीलाई बचत संकलन तथा ऋण लगानीमा मात्र सिमित नरहेर उत्पादनमा जानु पर्छ भनेको छ, उद्धेश्य अनुसार ७० प्रतिशत काम गर्नु पर्छ भनेको छ, तर हामी चाहेर पनि जान सहकारी मार्फत जान सकिरहेका छैनौं । राज्यले सहकारीलाई उत्पादनमा जान सक्ने बाताबरण वा कानुन निर्माण गरि दिनु पर्छ । यसकालागि सरोकारवालाहरुले सहजीकरण गरिदिनु पर्छ । सहकारीका नेताहरुले सहकारीलाई अनुदान र कमशिन मिलाउने काम गर्नु भन्दा पनि सहकारीलाई ब्यवसायीक रुपमा अघी वढ्न बाधा बनेका कानूनी अड्चन हटाउने तर्फ पहल गर्नु पर्छ ।

Lockdwon Stock

उनले सदस्यहरुलाई निशंकोच संस्थाका उत्पादन उपभोग गर्न र संस्थासंग वित्तिय कारोवार गर्न पनि अनुरोध गरे, उनले भने संस्थागतरुपमा हामी बलियो छौं । हामी सहकारी मोडलको नमूना ब्यवसाय गरेर देखाउन चाहन्छौं, सरोकारवालाहरुले यसका बाधाहरु फुकाइदिनु पर्छ । सहकारीलाई ब्यवसाय गर्न दिनु पर्छ सहकारी उत्पादनको आफ्नै ट्रेडमार्क हुनु पर्छ, ।

अव सहकारीको उत्पादन निर्यात पनि हुनु पर्छ । बजार हामी संग छ, बजारको ग्यारेण्टी हामी लिन्छौं । हामी देश भरीका सहकारीका उत्पादनको जिम्मा लिन्छौ । तर राज्यले हामीलाई सहकारी मार्फत ब्यवसाय गर्न दिनु पर्छ । भाषणमा मात्र सहकारीलाई उत्पादनमा जानु पर्छ भनेर हुन्न । 

News

शिखरदीप सहकारी कीर्तिपुर शाखाका प्रबन्धक रशना शाक्यसँग एक छिन

गत चैत ७ गते शुक्रवार शिखरदीप सहकारीको बारेमा एउटा अनलाईनको खबरले कीर्तिपुरमा हंगामा ल्याइदियो ।  त्यस सम्बन्धी कीर्तिपुर सन्देश साप्ताहिकका प्रतिनिधिले लिएको कुराकानीको संक्षिप्त विवरण यहा प्रस्तुत गरिएको छ ।

रशनाजी शिखरदीप सहकारीको बारेमा यो हप्ता कीर्तिपुरमा निकै चर्चा भएको छ वास्तविकता के हो 

हो एउटा अनलाईन खबर पत्रिकाले शिखरदीप सहकारी संस्थाप्रति भ्रामक र नकारात्मक समाचार सम्प्रेषण गरेको छ । त्यही भ्रामक समाचारका कारण हाम्रा शेयर सदस्यहरू आतिएर सोधपुछ गर्न आउनुभएको हो । सकारात्मक भन्दा नकारात्मक खबर चाँडै फैलिन्छ । फेरि अहिलेका यो अनलाईनहरूले प्रचारमा आउन भूmठो खबर संप्रेषण गरिरहेको धेरै उदाहरणहरू छन् ।

शिखरदीप सहकारीको छोटो परिचयको साथै कीर्तिपुरमा कहिलेदेखि कारोबार गर्नु भएको हो जानकारी दिनुहोस्

शिखरदीप बहुउद्देश्यीय सहकारी संस्था लि. २०६५ जेठ २ गते भक्तपुरको कौसलटार मुख्य कार्यालय रहने गरी स्थापना भएको हो । यो ११ वर्षको अवधिमा काठमाडौं उपत्यकामा ६ वटा शाखा कार्यालयहरू संचालन भैरहेका छन् । जस्तै १. कमलविनायक –भक्तपुर, २.मंगलबजार—ललितपुर ३.बागबजार—काठमाडौं ४.न्यूरोड—काठमाडौं  ५. महाराजगन्ज —काठमाडौं र ६.कीर्तिपुर—काठमाडौं । छोटकरीमा भत्रे हो भने यो संस्थाको कूल शेयर पुँजी ३३ करोड रुपैयाँ छ भने संस्थाको जम्मा कारोबार रकम ४०० करोड रुपैयाँ छ । संस्थाको बचत रु.३६७ करोड रहेको जानकारी दिन चाहन्छु । 

कीर्तिपुरमा कहिलेदेखि कारोबार गर्न थाल्नु भएको थियो ।

कीर्तिपुरमा २०७२ बैशाखमा नै कार्यालय उद्घाटन गर्ने कार्यक्रम थियो । भूकम्पका कारण श्रावण ३२ गते देखि संचालन गरेका थियौं ।

यो हल्लाको बारेमा तपाईं के भन्न चाहनुहुन्छ 

सहकारी क्षेत्रमा हामीहरू फरक र सफल तरिकाले उत्पादनशील क्षेत्रमा लगानि गरि शेयर सदस्यहरूको वचतलाई सुनिश्चित गरेका छौं । हाम्रो सहकारीले वचत तथा ऋणमा मात्र कारोबार नगरी उत्पादनशील क्षेत्रमा समेत लगानि गरेकोले शेयर सदस्यहरूले यसप्रति कुनै पनि शंका गर्नु पर्ने अवस्था छैन । विगत एक दशकभन्दा लामो समय यस क्षेत्रमा सफल अनुभव संगालेको सहकारी भएकोले यस सहकारी प्रति आएका हल्ला र अफवाहको पछाडि लागि कुनै पनि शंका गर्नुपर्ने अवस्था छैन ।

अनि बचतकर्ताहरू डराउनुको कारण के होला त 

आजकल नेपालमा कसैको चरित्र तथा व्यवसायिक रुपमा असफल बनाउन कसैले हल्ला गरेकै भरमा आफ्नो बचत असुरक्षित ठान्नु भएकोले हो । हामीले सबैलाई सम्झाई बुझाई त्यसको पछाडि लाग्नुभन्दा अगाडि वास्तविकता बुझ्न अनुरोध ग¥यौं । उहाँहरूको बचत सुरक्षित छ । यस कीर्तिपुर सेवा केन्द्रले शेयर सदस्य तथा वचत कर्ताहरूलाई छुट सुविधा सहित सुविधाजनक तरिकाले सपिङ गर्नको लागि आधुनिक तथा सुविधाजनक गार्डेन मार्ट सञ्चालन गर्न लागेका छौं ।

Garden Mart

कीर्तिपुर सहकारी संजालले त तपाईंहरूलाई कीर्तिपुरमा कारोबार गर्ने अधिकार नै छैन । गैर कानूनी रूपले काम गरिरहनु भएको त्यसैले कारवाही गरी पाउँ भनेर कीर्तिपुर नगरपालिका सहकारी विभागमा ज्ञापन पत्र दिएको समाचार बाहिर आएको छ नि, त्यो के हो 

हामीले कीर्तिपुर नगरपालिकामा व्यवसाय गर्न अनुमति लिएको छु । व्यवसाय दर्ता प्रमाण पत्र हामीसँग छ । यस सहकारी संस्थाले साविक डिभिजन सहकारीबाट सेवा केन्द्र खोल्न अनुमति लिएको तर विनियममा कीर्तिपुर सेवा केन्द्र रहने भनी उल्लेख नभएकोले यस संस्थाका अध्यक्ष केदार नाथ शर्मा कीर्तिपुर नगरपालिका सहकारी विभागमा आउनु भै सहकारी विभाग प्रमुख सुजिन्द्र महर्जन समक्ष बैशाख महिनाभित्र अनुमति लिई सक्ने दरखास्त बुझाउनु भएको छ । जुन सुजिन्द्र महर्जनले सहर्ष स्वीकारनु भएको छ । त्यसैले यसमा कुनै दुविधामा नरहन अनुरोध गर्दछु ।

अन्तमा केही भन्नु छ कि 

सामाजिक सञ्जालमा शिखरदीप सहकारी संस्था प्रति नकारात्मक समाचार सम्प्रेषण भई शेयर सदस्यप्रति भ्रम सृजना भई संस्थाको बारेमा चासो राखी सुझाव सल्लाह र चासो राख्न आउनु भएका सबै सदस्यहरूप्रति धन्यवाद ज्ञापन गर्न चाहन्छु ।

Uncategorized

कीर्तिपुरमा पहिलो चरणमा २४ लाखको राहत, विहिवारदेखि वितरण

Relief Distribution

कीर्तिपुर नगरपालिकाले खानाको लागी समस्या भएकाहरुलाई विहिवार चैत्र २७ गतेदेखि राहत वितरण गर्ने भएको छ । राहत वितरण गर्नका लागि आवश्यक खाद्यान्न चैत्र २४ आज सोमवारवाट ल्याएका छन् । आज सोमवार त्यहि मात्रामा कीर्तिपुरमा ७ सय बोरा चामल, त्यस्तै दाल, तेल, नुन, चिनी ल्याएको कीर्तिपुर नगरपालिकाका उपप्रमुख सरस्वती खड्काले बताउनु भएको छ । उहाँले कीर्तिअनलाईनसंग कुरा गर्दै सो कुरा बताउनु भएको हो । कीर्तिपुर नगरपालिकाले लकडाउनको समयमा वितरण गर्नका लागि ५० लाखको बजेट छुट्याइएकोमा पहिलो चरणका लागि २४ लाखको खाद्यान्न ल्याउने योजना रहे अनुसार भोली मंगलवार फेरी ३ सय बोरा चामल ल्याउने समेत उहाँले बताउनु भयो । जम्मा एक हजार बोरा चामल र त्यहि अनुसारका अन्य खाद्यान्न सहित विहिवार राहत वितरण गर्ने योजना आफूहरुले बताएको बताउदै अहिले सम्म राहतका लागि प्रदेश सरकार र केन्द्र सरकारवाट कुनै पनि सहयोग नआएको बताउनु भयो । नगरपालिकाको बजेटले मात्र नभ्याउने भएका कारण आफूहरुले सार्वजनिक रुपमा नै राहतका लागि आह्वान गरेको बताउदै आज मात्रै शिखरदीप बहुउद्देश्यीय सहकारीले ६० बोरा चामल र त्यहि अनुपाटमा तेल १५० लिटर र दाल १ सय केजि सहयोग गरेको समेत बताउनु भयो ।

Uncategorized

शिखरदिप सहकारीका खाद्यन्नमा ५ प्रतिशत छुट, ८ स्थानमा रहेको सदस्य सेवा काउन्टरबाट छुट पाइने

खाद्यान्न लगायतका विभिन्न दैनिक उपभोग्य बस्तुहरु उत्पादन गर्दै आइरहेको शिखरदिप बहुउदेश्यिय सहकारी संस्था गठ्ठाघरले आफना उत्पादनमा ५ प्रतिशत छुट दिने भएको छ । विश्वव्यापी रुपमा फैलिरहेको कोरोना भाइरसको संक्रमणको त्रासका कारण नेपाली बजार समेत प्रभावित बनिरहेको सन्र्दभमा सहकारीले यो योजना ल्याएको हो । सहकारीका अध्यक्ष केदारनथाथ शर्माका अनुसार हाल काठमाण्डौ उपत्यकाका कीर्तिपुर, पाटनको मंगलबजार, बागबजार, न्यूरोड, महाराजगंज, कौशलटार, सल्लाघारी र सूर्यविनायक गरि ८ स्थानमा रहेको सदस्य सेवा काउन्टरबाट उपभोक्ताहरुले दैनिक उपभोग्य बस्तुको खरिदमा ५ प्रतिशतसम्मको छुट दिने व्यवस्था मिलाइएको छ । यो सहकारीले अहिले उपकार ब्राण्डमा चामल, दाल, मैदा, चिनी, चियापत्ती, घिउ, तेल, जाम लगायतका दर्जनौ उपभोग्य बस्तु उत्पादन गर्दै आइरहेको छ । ‘हाम्रो उद्योगमा करिव १ महिनासम्मका लागि पुग्ने खाद्यन्न सामग्रि छन् । यस्तो संकटको वेलामा सरकारलाई सघाउन र नागरिकलाई अफठ्यारोमा साथ दिन छुटको व्यवस्था गरेका हौ । यसले कालाबजारी नियन्त्रणमा पनि सहयोग पुग्ने अपेक्षा गरेका छौं’, अध्यक्ष शर्माले बताए । बजारमा अहिले दैनिक उपभोग्य बस्तुमा कालाबजारी बढ्दै गएको सन्र्दभमा आफना शेयर सदस्य तथा अन्य उपभोक्तालाई राहात उपलब्ध गराउन यो व्यवस्था गरिएको अध्यक्ष शर्माले बताए ।

Archives
About Shikhardeep

Shikhardeep Multipurpose Co-operative Limited is one of the legitimate mutipurpose Co-oprative organization of Nepal. Not only it is formally registered with the ‘Division Sahakari Office’ of Government of Nepal and ‘Sahakari Ain’ but also has obtained license from concerned authorities to operate its business from Nepal. Its head office is located at Kaushaltar, Kathmandu.

Contact Us
Related Links

All Rights Reserved 2020. Shikhardeep Multipurpose Co-operative Ltd.